काठमाडौं— राष्ट्रिय स्वतन्त्र पार्टी (रास्वपा) मोरङका जिल्ला सदस्य दुर्गा रेग्मीको निधन भएको छ। उनी रास्वपाका उम्मेदवार कृष्ण कार्कीका प्रतिनिधि रहेका थिए। बिहान मतगणना सुरु भएको केही समय पछि ढलेका भनिए पनि आफ्नो डेरामा खाना खाने क्रममा बेहोस भएका थिए । रेग्मीलाई अस्पताल पुर्याउँदा चिकित्सकले मृत घोषणा गरेका हुन् ।। उनको हृदयघातको कारण मृत्यु भएको जिल्ला प्रहरी कार्यालय मोरङका एसपी कवित कटुवालले जानकारी दिए। अहिले मृतकको शवलाई पोष्टमार्टमको लागि कोसी अस्पतालमा ल्याइएको छ।
