मेष - Aries(चु, चे, चो, ला, लि, लु, ले, लो, अ)
मान्यजनको मार्गदर्शन अनुचित लाग्न सक्छ। कमजोर विकल्प अँगाल्नाले कुनै अवसर गुम्न सक्छ। प्रतीक्षित नतिजा कमजोर देखिनेछ र चुनौतीहरूसँग जुध्नुपर्नेछ। सहयोगीहरूले साथ दिए पनि प्रगतिमा ईर्ष्या गर्नेहरूले दु:ख दिनेछन्। तापनि साँझतिर पहिलेकाे उपलब्धि जाेगाउन सफल भइनेछ। तर कुनै सूचना बाहिरिने समय रहेकाले गोपनीयतामा ध्यान पुर्याउनुहोला।
वृष - Taurus(इ, उ, ए, ओ, बा, बि, बु, बे, बो)
दिनभरि विभिन्न कामका अवसर प्राप्त हुनेछन् भने पेसा–व्यवसायमा पनि फाइदा हुनेछ। काममा श्रम परे पनि राम्रो प्रतिफल प्राप्त हुनेछ। व्यापारमा मनग्य लाभ हुनेछ। सेवामूलक कामबाट प्रतिष्ठा पाइनेछ। अवसरले उत्साह जगाउनेछ। साँझदेखि केही घरायसी समस्याले पिरोल्न सक्छ। अरूको मुख ताक्ने बानीले पछि परिनेछ। साथीभाइसँग सन्तुलित व्यवहार गर्नुहोला।
मिथुन - Gemini(का, कि, कु, घ, ङ, छ, के, को, ह)
सहयोगीहरूले राम्रो साथ दिनेछन्। रोकिएका काम बन्नुका साथै नयाँ काम थाल्ने समय छ। गरिएका कर्मको उचित फल पाइनेछ। पुरुषार्थी कामले समाजमा स्थापित बनाउनेछ। चुनौती पन्छाएर पनि नयाँ काममा जग बसाउने अवसर प्राप्त हुनेछ। व्यापारमा विशेष लाभ हुनेछ। विभिन्न उपहार प्राप्त हुने समय छ। साँझतिर कुनै सामान हराउन सक्छ, सजग रहनुहाेला।
कर्कट - Cancer(हि, हु, हे, हो, डा, डि, डु, डे, डो)
सफलताले हिम्मत दिलाउनेछ। प्रयत्न गर्दा राम्रै काममा जग बसाउने मौका छ। दिगो फाइदा हुने काम प्रारम्भ होला। विशिष्ट व्यक्तिहरूसँग मित्रता बढ्न सक्छ। भेटघाटले समेत उत्साह बढाउला। आफ्नो क्षेत्रमा प्रभुत्व जमाउन सकिनेछ। मान–सम्मान प्राप्त होला। साँझतिर विवादास्पद कामकाे जिम्मेवारी आउन सक्छ। परिस्थितिवश सञ्चित रकम खर्च गर्नुपर्ने हुन सक्छ।
सिंह - Leo(मा, मि, मु, मे, मो, टा, टि, टु, टे)
खर्चिलाे कामले अर्थ अभावको स्थिति रहनेछ। आफन्तजनबाट टाढिनुपर्ला। व्यवसायमा लगानी बढाउनुपर्ने परिस्थिति आउन सक्छ। लाभप्रद कामले लोभ्याए पनि फजुल खर्च हुन सक्छ। अवसरका लागि कडा परिश्रम गर्नुपर्ला। साँझतिर पारिवारिक भेटघाट हुनेछ। तर कसैबाट आत्मसम्मानमा चाेट पुग्न सक्छ। शारीरिक कमजाेरीले पनि मन प्रफुल्लित नहुन सक्छ।
कन्या - Virgo(टो, प, पि, पु, ष, ण, ठ, पे, पो)
आयस्रोत राम्रो हुनाले आवश्यक भौतिक साधन जुट्नेछन्। आम्दानी बढ्नाले उत्साह जाग्नेछ। श्रमको उचित मूल्य पाइनेछ। व्यापारमा राम्रै फड्को मार्ने समय छ। छोटो समयमै राम्रो उपलब्धि हातलागी हुनेछ। व्यापारमा मनग्य फाइदा हुनेछ। साँझतिर आफ्नाे रकम अरूका लागि खर्च हुनेछ। आवश्यकता पूरा गर्न सरसापट लिनुपर्ला। आँटेको काम पनि राेकिन सक्छ।
तुला - Libra(र, रि, रु, रे, रो, ता, ति, तु, ते)
पहिले रोकिएको कामले उत्साह जगाउनेछ। मिहिनेतले लक्ष्यमा पुग्न सकिनेछ। अवसरले पछ्याउनेछन् भने दिगो फाइदा हुने काममा जग बसाउने मौका छ। कर्मयोगले नाम, दाम र इनाम दिलाउन सक्छ। साँझदेखि आम्दानीका नयाँ स्रोत फेला पर्नेछन्। पहिलेका कामबाट पनि प्रशस्त लाभ हुनेछ। उठ्नुपर्ने रकम हातलागी हुनेछ। कृषि, पशुपालन र व्यापारमा फाइदा हुनेछ।
वृश्चिक - Scorpio(तो, ना, नि, नु, ने, नो, या, यि, यु)
सेवा तथा सामाजिक काममा रुचि बढ्नेछ। कामकाे प्रभावले थप जिम्मेवारी बढ्न सक्छ। पेसा–व्यवसायमा फाइदा हुनेछ। टाढिएका मित्रगण नजिकिनाले प्रसन्नता मिल्नेछ। अभाव हट्नुका साथै दाम, नाम र इनाम प्राप्त हुनेछ। धार्मिक मनोवृत्ति र सेवामूलक कामले प्रतिष्ठा दिलाउनेछ। साँझतिर व्यवहारमा केही उल्झन आउन सक्छ। मिहिनेत परे पनि प्रतिफल कम प्राप्त हुनेछ।
धनु - Sagittarius(ये, यो, भ, भि, भु, ध, फा, ढ, भे)
दिनभरि सानोतिनो समस्याले अल्झाउनेछ भने स्वास्थ्य पनि प्रतिकूल रहनेछ। कमजाेरीका बाबजुद अरूका लागि समय खर्चनुपर्ला। काममा व्यस्तता बढ्नेछ। तर आफ्नो क्षेत्रमा अरूले हस्तक्षेप गर्न सक्छन्। अवसरवादीहरूले आफ्ना कमजोरीको फाइदा उठाउने चेष्टा गर्नेछन्। साँझतिर स्थितिमा सुधार आउनेछ। दाेहाेर्याएर प्रयत्न गर्दा पहिले राेकिएका काम सम्पादन हुनेछन्।
मकर - Capricorn(भो, ज, जि, खि, खु, खे, खो, गा, गि)
नियमित काम सम्पादन हुनेछन्। केही भौतिक वस्तुहरू जुटाउन सकिनेछ। तर किनमेलमा अधिक खर्च हुनेछ। महत्त्व नबुझ्दा अमूल्य वस्तु हातबाट बाहिरिन सक्छ। आफ्नै कमजोरीले इष्टमित्र टाढिन सक्छन्। बाेली–व्यवहारमा संयमित नहुँदा सम्बन्ध बिग्रन सक्छ। साँझदेखि अस्वस्थ शरीर लिएर काममा जुट्नुपर्ला। गाेप्य सूचना बाहिरिनाले समस्या पर्नेछ, सजग रहनुहोला।
कुम्भ - Aquarius(गु, गे, गो, सा, सि, सु, से, सो, द)
आत्मबलका साथ राेग र शत्रुमाथि लड्ने समय छ। काममा प्रतिस्पर्धा गर्नुपरे पनि फाइदा उठाउन सकिनेछ। हिम्मतले काम सम्पादन हुनेछ। आयआर्जनका नयाँ स्रोत फेला पर्नेछन्। साँझदेखि व्यापार बढ्नुका साथै व्यवसायमा मनग्य लाभ हुनेछ। मित्रता र प्रेमको बन्धन कसिनेछ। निम्ताे प्राप्त हुनाले रमाइलाे यात्राकाे साइत जुर्न सक्छ। आकर्षक उपहारले उत्साह जगाउनेछ।
मीन - Pisces(दि, दु, थ, झ, ञ, दे, दो, च, चि)
रोकिएका काम बन्नाले उत्साह जाग्नेछ। आफ्नै प्रयासले अधिकार स्थापित गर्न सकिनेछ। आर्थिक लाभ हुने काम पनि सम्पादन हुनेछ। गुरुजनको सुझाव र सन्तानको सहयोग भने लाभदायी बन्नेछ। मिहिनेतले प्रतिस्पर्धाको दौड जिताउन सक्छ। भौतिक साधन जुट्नाले फाइदा हुने काम सुरु हुनेछ। साँझतिर काममा केही उल्झन हुन सक्छ। प्रतिस्पर्धीहरूबाट सजग रहनुहाेला।
