काठमाडौं— इजरायली नागरिक अरमोजा अलमोजलाई हातपात गरेको आरोपमा प्रहरीले दुई जनालाई पक्राउ गरेको छ ।
गत मंसिर १५ गते राति कालधारा सडक खण्डमा अलमोजलाई हातपात गरेको आरोप उनीहरूलाई पक्राउ गरिएको प्रहरीले जनाएको छ ।
पक्राउ पर्नेमा काभ्रेपलाञ्चोकको तेमाल गाउँपालिका-६ घर भएर स्वयम्भू बस्ने पेम्बा तामाङ र नुवाकोट ताँदी गाउँपालिका- ४ घर भएर स्वयम्भू बस्ने श्याम तामाङ रहेका जिल्ला प्रहरी परिसर काठमाडौंका प्रवक्ता एवं प्रहरी उपरीक्षक पवनकुमार भट्टराईले जानकारी दिए ।
उनीहरूविरुद्ध प्रहरीले अभद्र व्यवहार मुद्दामा अनुसन्धान गरिरहेको भट्टराईले जानकारी दिए ।
