काठमाडौं । घर निर्माण फाउण्डेसनद्वारा गर्न लागिएको घर निर्माण फेस्ट २०८२ को दोस्रो संस्करणको औपचारीक घोषणा भएको छ । शुक्रबार काठमाडौंमा पत्रकार सम्मेलनको आयोजना गर्दै फाउण्डेसनले नेपालको निर्माण व्यवसाय क्षेत्रलाई आधुनिक प्रविधिको प्रयोग मार्फत नयाँ उचाईमा पुयाउने उद्देश्यसहित फेस्ट आगामी पुस १२ देखि १५ गतेसम्म काठमाडौस्थित भुकुटीमण्डपमा आयोजना हुन लागेको जानकारी दिएको हो ।
नेपालमा निर्माण तथा व्यवाधिक गतिविधि बढ्दै गए पनि धेरै ब्रान्डहरुले अझै पनि समान रुपमा ब्रान्ड प्रस्तुत गर्न, ग्राहकसँग प्रभावकारी सम्वन्ध स्थापित गर्न तथा आफ्ना उत्पादनलाई व्यवस्थित र आकर्षक रुपमा प्रदर्शन गर्न विभिन्न चुनौती फैलिरहेको अवस्थामा यी कमीकमजोरीलाई सम्बोधन गर्न घर निर्माण फेस्ट २०८२ आयोजना गर्न लागिएको पनि आयोजकको भनाई रहेको छ ।
दोस्रो सम्करणको घर निमर्माण फेस्ट साधारण मेला मात्र नभई व्यवसायमुखी, अवलोकन केन्द्रित र परिणाममुखी बनाउने तयारी गरिएको छ । ४ दिन सम्म हुने प्रदर्शनीमा २ सय करोड बढीको आर्थिक कारोबार हुने अपेक्षा राखिएको छ ।
घर निर्माण सम्बन्धी यस प्रदर्शनीमा ४० हजार बड़ी दर्शकले निर्माण सम्वन्धी प्रत्यक्ष रुपमा अबलोकन गरी जानकारी लिने भन्दै यो एक प्रदर्शनी मात्र नभइ कुनैपनि निर्माणजन्य सामग्रीको ब्रान्डिङ, नवप्रवर्तन, गुणस्तरीय निर्माण र व्यवसायिक वृद्धिको साझा मञ्च पनि भएको आयोजकको भनाई रहेको छ ।
यस प्रदर्शनीको क्रममा अबलोकनकर्ताहरुारे प्रत्यक्ष रुपमा निःशुल्क रुपमा इन्जिनियर, आर्किटेक्ट, निर्माण सामग्री विशेषज्ञ तथा उद्योगका अनुभवी व्यक्तिहरुसंग अन्तक्रिया गर्न पाउने छन् । अवलोकनकर्ताले आफ्ना घर निर्माणसम्वन्धी जिज्ञासा, निर्माण सामग्रीको छनोट, डिजाइन, लागत, गुणस्तर तथा आधुनिक प्रविधिबारे जानकारी लिन सक्नेछन् ।
