जनकपुर— धनुषाको जनकपुरस्थित एक मनोरञ्जन पार्कमा रहेको झुला (राइड) भाँचिएर झुलामा फसेका ५६ जनाको सकुशल उद्धार गरिएको छ।
घटना शनिबार दिउँसो जनकपुरधाम उपमहानगरपालिका–९ मा रहेको एक निजी मनोरञ्जन पार्कमा भएको हो। झुलाको फलामे संरचना अचानक भाँचिएपछि राइड सञ्चालनमा रहेका दर्जनौं व्यक्ति झुलामै फसेका थिए।
घटना लगत्तै सुरक्षा निकाय, स्थानीयवासी र नगरपालिकाको उद्धार टोली घटनास्थल पुगेको थियो। करिब एक घण्टाको प्रयासपछि सबै ५६ जनालाई सकुशल झुलाबाट बाहिर निकालिएको जनाइएको छ।
