कैलाली – कैलालीको धनगढी उपमहानगरपालिकाकी एक किशोरी बलात्कृत भएकी छिन् । धनगढीकै एक पुरुषले १५ वर्षीया किशोरीमाथि पटक – पटक बलात्कार गरेको भन्दै किटानी जाहेरी परेको कञ्चनपुर प्रहरीले जनाएको छ ।
पछिल्लोपटक ती किशोरीमाथि कञ्चनपुरको पुनर्वास नगरपालिकामा बलात्कार भएको भन्दै जाहेरी आएको जिल्ला प्रहरी कार्यालय कञ्चनपुरका प्रहरी नायब उपरीक्षक सागर बोहराले जानकारी दिए ।
‘आरोपित भने फरार रहेको र खोजी कार्य भइरहेको छ,’ डीएसपी बोहराले भने । आरोपित पुरुष भने किशोरीका खेल प्रशिक्षक हुन् ।
पछिल्लोपटक किशोरीलाई घुम्न जाउँ भन्दै पुनर्वास नगरपालिकाको आइबीआरडीमा रहेको तेक्वान्दो दोजाङको कार्यालयमै बलात्कार गरेको उजुरी आएको कञ्चनपुर प्रहरीले जनाएको छ ।
