काठमाडौं— प्रतिबन्धित लागूऔषध ब्राउन सुगरसहित ३ जनालाई प्रहरीले पक्राउ गरेको छ । उनीहरुलाई मोरङ बिराटनगर महानगरपालिका–१५ स्थितबाट लागूऔषध ब्राउन सुगरसहित पक्राउ गरेको हो।
चैत्र ०३ गते इलाका प्रहरी कार्यालय रानी र लागूऔषध नियन्त्रण ब्यूरो बिराटनगरबाट खटिएको प्रहरी टोलीले चेकजाँचको क्रममा उदयपुर बेलका नगरपालिका–२ का २० बर्षीय सुजन खड्कालाई लागूऔषध खैरो हिरोईन ११ ग्राम ४ मिलिग्राम, मोरङ केराबारी गाउँपालिका–३ का २४ बर्षीय उत्तम याख्खा, सुन्दरहरैचा नगरपालिका–५ का ४५ बर्षीय मातृका सुवेदीलाई २ ग्राम ५३ मिलिग्राम लागूऔषध ब्राउन सुगर सहित पक्राउ गरेको प्रहरी प्रवक्ता प्रहरी वरिष्ठ उपरीक्षक भीम बहादुर दाहालले जानकारी दिए । लागूऔषध ब्राउन सुगरसहित पक्राउ उनीहरुको आवश्यक अनुसन्धान भइरहेको प्रवक्ता दाहालले बताए ।