काठमाडौं— झापाको विभिन्न स्थानहरुबाट लागूऔषध ब्राउनसुगर सहित ६ जनालाई प्रहरीले नियन्त्रणमा लिएको छ । चेकजाँच गर्ने क्रममा उनीहरुलाई विभिन्न ठाउँबाट नियन्त्रणमा लिएको हो ।
धनकुटा शहिदभूमी गाउँपालिका–४ का ३१ बर्षीय शिव राईलाई २ ग्राम ७१ मिलिग्राम ब्राउन सुगर सहित पक्राउ गरेको छ भने इलाका प्रहरी कार्यालय पथरीले पथरीशनिश्चरे–२ का २५ बर्षीय दिपक तामाङ, २६ बर्षीय मनिस तामाङ, २० बर्षीय रोहन निरौला, २६ बर्षीय मानब लिम्बुलाई ट्रमाडोल १८० क्याप्सुल, स्पासमिड ३७० ट्यावलेट र नगद ४९ हजार ५ सय रुपैयाँ सहित प्रहरीले नियन्त्रण गरेको हो।
चैत्र ०२ गते विराटनगर महानगरपालिका—१५ स्थितमा लागूऔषध नियन्त्रण व्यूरो विराटनगरबाट खटिएको प्रहरी टोलीले चेक जाँचको क्रममा उनीहरुलाई प्रतिबन्धित लागु औषधसहित नियन्त्रणमा लिएकोे प्रहरीले जनाएको छ ।
यसै गरी इलाका प्रहरी कार्यालय कुमरखोद झापाले बिर्तामोड नगरपालिका–४ का अभिषेख साहलाई १ ग्राम ब्राउनसुगर सहित पक्राउ गरेको छ । लागूऔषध ब्राउनसुगर सहित पक्राउ परेका छन् । उनिहरुको थप अनुसन्धान भईरहेको छ ।
