काठमाडौं–प्रधानमन्त्री केपी शर्मा ओलीले नेपाल दूरसञ्चार कम्पनी लिमिटेड (नेपाल टेलिकम)लाई गुणस्तरीय सेवा प्रवाह गर्न निर्देशन दिएका छन् । उनले प्रधानमन्त्री दैवी प्रकोप उद्धार कोषमा दाखिला भएको सहायता रकमबारे जानकारी दिन प्रधानमन्त्री कार्यालय पुगेको टेलिकमको टोलीसँग कुरा गर्दै जनतालाई सेवा दिने क्रममा कुनै कमजोरी नगर्न आग्रह समेत गरेका छन् । प्रधानमन्त्रीले उपकरण र प्रविधिको लागि आवश्यक सहयोग पाउने आश्वासन पनि दिँदै संस्थाको साख उच्च राख्न महत्त्वपूर्ण रहेको उल्लेख गरे ।
