काठमाडौं– काठमाडौं महानगरपालिकाले प्लास्टिकका फूल बेच्न प्रतिबन्ध लगाएको छ। मेयर बालेन्द्र शाहका अनुसार, स्वदेशी फूल उत्पादनलाई प्रोत्साहन गर्न यो कदम उठाइएको हो।
तिहार पर्वको अवसरमा काठमाडौंमा प्लास्टिकका फूलहरू प्रचुर मात्रामा बिक्री भइरहेको समयमा यो प्रतिबन्ध लागू गरिएको छ। मेयर शाहले फेसबुकमा तिहारमा स्वदेशी फूल उत्पादक किसानलाई प्रोत्साहन गर्न प्लास्टिकका फूल विक्रीमा प्रतिबन्ध लगाइएको कुरा उल्लेख गरेका छन्।
महानगरपालिकाले यस वर्षको दीपावली, नेपाल संवत् र छठ पर्वका अवसरमा ४६ स्थानमा स्वदेशी फूलको विक्री वितरणको व्यवस्था गरेको छ। यी स्थानहरूमा आरती पार्टी प्यालेस, बुद्ध मल, बालाजु भाटभटेनी, धर्म चक्र पार्क, स्वयम्भू मार्ट, भाटभटेनी कलंकी, चाबहिल फुटबल चौर, सिटी सेन्टर कमलपोखरी, र बिगमार्ट सामाखुशी लगायतका स्थानहरू समावेश छन्। प्लास्टिकजन्य फूल र सजावटका सामग्रीको विक्रीमा रोक लगाइएको छ।
गत वर्ष पनि महानगरपालिकाले भृकुटीमण्डप, तीनकुने चौर, हाँडीगाउँ र बालाजु विष्णुमती कोरिडोरमा फूल विक्रीको व्यवस्था गरेको थियो। यस वर्ष विक्रेताहरूलाई मल, मार्केट, पार्क र पार्टी प्यालेसमा सजिलो बनाउन थप व्यवस्थाहरू गरिनेछ।
स्वदेशी फूल व्यापारी किसानहरूले आफूलाई पायक पर्ने स्थानमा विक्री गर्न सक्छन्। थप जानकारीका लागि काठमाडौँ महानगरपालिकाको निःशुल्क नम्बर ११८० वा नगर प्रहरीको हटलाइन नम्बर ०१५९०१७६३, ९८५१३५६५०९ मा सम्पर्क गर्न सकिन्छ।
महानगरपालिकाले प्लास्टिक फूल र अन्य सजावटका सामग्रीको विक्री नगर्न अनुरोध गरेको छ। यदि कसैले लुकिछिपी विक्री गरेको पाइएमा कानुनी कारबाही गरिने छ। उपभोक्ताहरूलाई स्वदेशी फूल खरिद गरेर नेपाली किसानलाई प्रोत्साहन गर्न अनुरोध गरिएको छ।
बालेनले लेखेका छन्, तिहारमा स्वदेशी फूल उत्पादक किसानलाई प्रोत्साहन; प्लाष्टिकका फूल विक्रीमा प्रतिबन्ध
काठमाडौँ महानगरपालिकाले स्वदेशमा उत्पादन भएका फूलको विक्री वितरणलाई व्यवस्थित गर्न यस वर्षको दिपावली, नेपाल संवत् तथा छठ पर्वका अवसरमा महानगरपालिका क्षेत्रभित्रका ४६ स्थानमा विक्री वितरण प्रबन्ध गरेको छ । प्लाष्टिकजन्य फूल तथा सजावटका सामग्री विक्री वितरणमा रोक लगाउँदै स्वदेशमा उत्पादन भएका फूलको व्यापारलाई प्रवर्धन गरिएको हो ।
गएको वर्ष पनि हामीले प्रदर्शनी मार्गको भृकुटीमण्डप, तीनकुने चउर, हाँडीगाउँ र बालाजु विष्णुमती कोरिडोरमा फूल विक्री गर्ने स्थान मिलाइएको थियो । त्यस ठाउँमा पुग्न महानगर प्रहरी बलको सवारी साधन उपयोग गरिएको थियो । गएको वर्षको सिकाइ र अभ्यासबाट यस वर्ष फूल विक्रेता किसानहरूलाई सहज बनाउने प्रयास हुनेछ । यसका लागि मल, मार्ट, पार्क, पार्टी प्यालेस, सेन्टरहरूमा व्यवस्था मिलाइएको छ ।
१) आरती पार्टी प्यालेस, माछा पोखरी
२) बुद्ध मल, माछा पोखरी
३) बालाजु भाटभटेनी, माछा पोखरी,
४) भ्याली कोल्ड स्टोर, बालाजु
५) सामुदायिक भवन, बालाजु
६) धर्म चक्र पार्क, स्वयम्भू
७) स्वयम्भू मार्ट
८) भाटभटेनी, कलंकी
९) कलंकी ट्र्रेड सेन्टर, कलंकी
१०) एस. एन. एस., कलंकी
११) एन. बि. टि. सि., कलंकी
१२) नेपा व्याङ्क्वेट, खुशिँवु
१३) बिग मार्ट, कालधारा, पकनाजोल
१४) साल्ट ट्र्रेडिङ कर्पोरेसन, कालीमाटी
१५) काठमाडौँ मल, सुन्धारा
१६) सिभिल मल, सुन्धारा
१७) सिटिसि मल, सुन्धारा
१८) रञ्जना मल, नयाँ सडक
१९) विग मार्ट कम्प्लेक्स, अनामनगर
२०) एटि कम्प्लेक्स, न्यू प्लाजा
२१) भाटभटेनी, अनामनगर
२२) आइटी प्लाजा, कमलादी
२३) संकटा चोक, टेवहाल
२४) के. एल. टावर, चाबहिल
२५) वि एन्ड एसएम, बौद्ध
२६) भर्गो जापान, शंखमुल
२७) आइप्लेक्स, बानेश्वर
२८) एनबि सेन्टर, नयाँ बानेश्वर
२९) फोनिक्स टावर, बत्तीसपुतली
३०) चाबहिल फुटबल चौर, चाबहिल गणेश स्थान
३१) बिगमार्ट, शंखमुल
३२) बिबिएसएम, कोटेश्वर
३३) सिफल चौर, सिफल
३४) केटिएम पार्टी प्यालेस,
३५) निराकल कम्प्लेक्स, शंखमुल
३६) एसि कम्प्लेक्स, चाबहिल
३७) भाटभटेनी, कोटेश्वर
३८) भाटभटेनी, नक्साल
३९) विग मार्ग, बालुवाटार
४०) सेल्स बेरी, महाराजगञ्ज
४१) भाटभटेनी, महाराजगञ्ज
४२) कोइराला मार्ट, सामाखुशी
४३) विग मार्ट, सामाखुशी
४४) सिटी सेन्टर, कमलपोखरी
४५) ल्होत्से मल, बालाजु
४६) सासा ब्याङकेट सोह्र खुट्टे
स्वदेशी फूल व्यापारी किसानहरूले आफूलाई पायक पर्ने स्थान छनोट गरेर विक्री गर्न सक्नुहुनेछ । यसका लागि सम्पर्क व्यक्तिको नम्बर वा महानगर प्रहरी बलको क्षेत्रबाट पनि सहजीकरण काम हुनेछ ।
जानकारीका लागि काठमाडौं महानगरपालिकाको निःशुल्क नम्बर ११८० मा कल गर्न सक्नु हुनेछ । वा नगर प्रहरीको हटलाइन नम्बर ०१५९०१७६३, ९८५१३५६५०९ मा कल गरेर थप जानकारी लिन सक्नु हुनेछ ।
यससँगै हामी व्यापारीहरूलाई प्लास्टिकका फुल तथा अन्य सजावटका सामग्री विक्री वितरण नगर्न नगराउनुहुन अनुरोध गर्दछौँ । यदि कसैले लुकिछिपी विक्री गरेको पाइएमा प्रचलित कानुनबमोजिम कारबाही हुनेछ यससँगै सम्पूर्ण उपभोक्ताहरूलाई स्वदेशी फूल खरिद गरेर नेपाली किसानहरूलाई प्रोत्साहन गर्नुहुन अनुरोध गर्दछौँ ।
