झापा । प्रधानमन्त्री पुष्पकमल दाहाल (प्रचण्ड) कतारको राजधानी दोहाबाट पहिलो विदेश भ्रमण तय गरेका छन् ।
उनी फागुन २० गते दोहा जाने कार्यक्रम तय भएको उनका राजनीतिक सल्लाहकार हरिबोल गजुरेलले बताएका छन् ।
दोहामा हुने विकाससम्बन्धी सम्मेलनमा प्रधानमन्त्री प्रचण्ड सहभागी हुने कार्यक्रम तय भएको गजुरेलले जानकारी दिएका छन । सो सम्मेलनमा विभिन्न देशका राष्ट्र प्रमुखहरूको सहभागिता हुनेछ ।
प्रधानमन्त्री प्रचण्ड फागुन २२ गते स्वदेश फर्किने छन् । तेस्रो पटक गत पुस १० गते मुलुकको प्रधानमन्त्रीमा नियुक्त भएपछि प्रधानमन्त्री प्रचण्डको यो पहिलो विदेश भ्रमण हुनेछ ।
यसअघिसम्म प्रधानमन्त्रीमा नियुक्त भएपछि छिमेकी मुलुक भारतको भ्रमण गर्ने नेपाली राजनीतिमा परम्पराझैं भएको थियो ।
