झापा- मोरङको दुई स्थानमा सवारी दुर्घटना हुँदा २ जनाको मृत्यु भएको छ भने २ जना घाईते भएका छन । आईतबार बिहान सुन्दरहरैचा-५ स्थित भित्री सडक खण्डमा प्रदेश १-०२-०४७ प २८२४ नम्बरको स्कुटर अनियन्त्रित भई दुर्घटना हुँदा घाईते भएका स्कुटर चालक सुन्दरहरैचा-५ का ५० बर्षीय चक्र बहादुर श्रेष्ठको बिराटनगर स्थित बिराट टिचिङ अस्पतालमा उपचारको क्रममा मृत्यु भएको हो । सोही दिन राती ११ बजे बिराटनगर-४ स्थित राजमार्गमा प्रदेश १-०२-०४२ प ६०४९ नम्बर र लु.१८ प ५४५६ नम्बरको मोटरसाईकल आपसमा ठक्कर खाई दुर्घटना हुँदा घाईते भएका बिराटनगर-४ का २६ बर्षीय प्रकाश महतको उपचारको क्रममा नोवेल अस्पतालमा मृत्यु भएको छ । घाईते भएका बिराटनगर-५ का २४ बर्षीय अमन खान र अर्घाखाँची सन्धिखर्कका ४८ बर्षीय बिण्णु परियारको सोही अस्पतालमा उपचार भईरहेको प्रहरीले जनाएको छ ।
