झापा - गत माघ २३ गतेदेखि नेपालको पूर्व–मेचीको काँकडभिट्टाबाट मेची–महाकालीसम्मको उल्टो पैदल यात्रा सुरु गरेका एक दम्पति १२ औं दिनमा सिन्धुली पुगेका छन् ।
पश्चिम बाँकेका ५२ वर्षीय रुपना थारु र उनकी श्रीमती ४९ वर्षीय पतरानी थारुले देशमा शान्ति सुव्यवस्था र समस्त प्राणी जगतको कल्याणको कामना गर्दै मेची महाकाली पैदल यात्रा सुरु गरेको बताएका हुन् । पैदल यात्राका क्रममा रुपना थारुले मेचीदेखि महाकालीसम्म उल्टो पैदल यात्रा गरेका छन्।
रुपनाकी श्रीमती पतरानीले भने सुल्टो यात्रा गरेकी छन् । उनीहरुको यात्रालाई सफल बनाउन मेचीदेखि महाकालीसम्मका विभिन्न स्थानमा स्थानीय वासीन्दाले खानपान र बासको व्यवस्थापन गर्दै आएका छन्।
