झापा - लेखक चन्द्रप्रसाद घिमिरेद्वारा लिखित ‘श्रीमदभागवत महापुराण’ (नेपालीमा अनुवाद गरिएको) किताब बिमोचन गरिएको छ । उक्त पुस्तकको एक
कार्यक्रमकाबिच पूर्व प्रधानमन्त्री तथा नेकपा एमालेका अध्यक्ष केपी शर्मा ओलीले
बिमोचन गरेका हुन् ।
शिवसताक्षी स्थित झिलझिलेमा रहेको वाटर किङडम पार्कमा
सोमबार आयोजित आदिवासी जनजातीहरुले आयोजना गरेको सांस्कृतिक महोत्सव कार्यक्रममा एमाले
अध्यक्ष ओलीले घिमिरेले लेखेको पुस्तक सार्वजनिक गरेका हुन् । उनले घिमिरेले
लेखेको महापुराण पुस्तकको चर्चा संगै महत्वका बारेमा दर्शाएका थिए ।
संस्कृत भाषामा उल्लेखित श्री मदभागवत महापुरणलाई नेपालमै पहिलो
पटक जस्ताको त्यस्तै नेपालीमा अनुवाद गरेर ‘सचित्र भाषा टीकामा ’ प्रकाशन गरेको लेखक
चन्द्रप्रसाद घिमिरेले जानकारी दिए । संस्कृत
भाषा सबैले नबुझ्ने भएको ,
संस्कृत
भाषा पढे पनि धेरैले त्यसको अर्थ नबुझने भएको र भावि पुस्ताको संस्कृत भाषाप्रति
रुचि घट्दै गएको सन्दर्भमा लोप हुन लागेको भन्दै यसको महत्व र अर्थ बुझाउन पनि
नेपालीमा पहिलो पटक स्लोकद्धरा लेखिएको श्रीमद भागवत महापुरण तयार गरिएको घिमिरेले
बताए ।
हिन्दूु समाजकालागि एकदमै आवश्यक धार्मिक पुरणहरु मध्येको
श्री मदभागवत
महापुरण
शिरोमणी भएका कारण पनि नेपालीमा श्लोक बनाएर लेखेको घिमिरेको भनाई छ । लेखक
घिमिरेका अनुसार १४५० पृष्ठ लामो पुस्तक लेख्नकालागि झण्डै ३ बर्ष समय लागेको थियो
।
पुस्तकको
बजार मुल्य १ हजार ५ सय १५ रुपैंया रहेको पनि उनले बताए । कार्यक्रममा पुस्तक तथा
लेखकको बारेमा संक्षिप्त जानकारी पण्डित प्रकाश चन्द्र रिवजालले गराएका थिए ।
लेखक घिमिरेको श्रीमती पुण्यकुमारीको केहि बर्ष अघि मृत्यु
भइसकेको छ भने उनका दुई छोराहरु राजकुमार घिमिरे(राजु) रामअवतार घिमिरे लामो
समयदेखि बिर्तामोडमा व्यवसाय गर्दै आएका छन् ।
