झापा-झापाको गौरीगञ्ज गाउँपालिका-३ बाट गाँजासहित दुई जनालाई प्रहरीले पक्राउ गरेको छ । पक्राउ पर्नेमा गौरादह नगरपालिका-८ का २४ बर्षीय बबि राजबंशी र गौरीगंज गाउँपालिका-३ का १९ बर्षीय संजिव रौनियार रहेका छन् । सोमबार दिउँसो इलाका प्रहरी कार्यालय गौरीगञ्जबाट खटिएको प्रहरी टोलीले राजबंशीको साथबाट गाँजा बरामद गरेको थियो ।
राजबंशीले सो गाँजा गौरीगञ्ज-३ का रौनियारबाट खरिद गरेको बताएपछि रौनियारको घरमा खानतलासी गर्दा १ किलो ९ सय २० ग्राम गाँजा बरामद भएको हो । प्रतिबन्धित लागुऔषध गाँजा सहित पक्राउ परेका दुवै जनाको इलाका प्रहरी कार्यालय गौरीगञ्जबाट थप अनुसन्धान भईरहेको छ ।
