झापा । सुनसरीको देवानगंज गाउँपालिका-६ बाट लागुऔषध गाँजा बोकेको पिकप गाडी सहित २ जनालाई प्रहरीले पक्राउ गरेको छ ।
आइतबार राती साढे १० बजे राजगंज सिनवारी- कप्तानगंज स्थित भित्री सडक खण्डमा इलाका प्रहरी कार्यालय देवानगंजबाट खटिएको गस्ती टोलीले को.१ ज १६६१ नम्वरको अम्लिसोको कुचो बोकेको पिकअप गाडीलाई संका लागि चेक जाँच गर्ने क्रममा कुचो भित्र लुकाई राखेको ३ सय ५० किजी (७ बोरा) गाँजा बरामद गरेको हो ।
उक्त लागुऔषध गाँजा बरामद भए संगै गाडी चालक धरान-१६ सुनसरीका २७ बर्षीय पुर्ण बहादुर राई र सहचालक बिजय राई समेतलाई पक्राउ गरिएको छ । गाँजा बोकेको पिकअप गाडी सहित पक्राउ परेका दुबै जनाको जिल्ला प्रहरी कार्यालय सुनसरीबाट थप अनुसन्धान भईरहेको छ ।
सिमा सुरक्षामा खटिएका ससस्त्र प्रहरी भने समाचार पढेर बस्ने गरेका छन। बिगत देखि नै सुनसरिका विभिन्न नाका प्रयोग गरेर ठूलो मात्रामा कपडा तस्करी हुने गरेको छ। उक्त कपडा झापा, मोरङ, सुनसरिका विभिन्न बजारमा साथै काठमान्डौमा ट्रान्सपोट मार्फत पुग्ने गरेको छ ।
