झापा- झापाको मेचीनगर नगरपालिका-१ मा मोटरसाईकल दुर्घटना हुँदा एकजनाको मृत्यु भएको छ । बुधबार दिउँसो साढे ३ बजे मेचीनगर स्थित भित्री सडक खण्डउत्तरबाट दक्षिणतर्फ जादै गरेको मे। २ प १५२५ नम्बरको मोटरसाईकल आफै अनियन्त्रित भई दुर्घटना भएको थियो । दुर्घटनामा घाईते भएका मोटरसाईकल चालक ४० बर्षीय विरेन्द्र दर्जीलाई उपचारको लागि लैजाने क्रममा उनको बाटोमा नै मृत्यु भएको प्रहरीले जनाएको छ । । घटना सम्बन्धमा ईलाका प्रहरी कार्यालय काँकरभिट्टाबाट थप अनुसन्धान भईरहेको छ ।
