पोखराको नयाँ विमानस्थलमा डेमो उडान गरेकै जहाज दुर्घटना 

यति एयरलाइन्सको जहाजमा चालक दलका चार सदस्यसहित ७२ जना सवार रहेको पुष्टि भएको छ । यति एयरलाइन्सका प्रवक्ता सुदर्शन बर्तौलाले ७२ जना सवार जहाज पोखरामा दुर्घटनाग्रस्त बनेको बताए ।

१०ः३३ मा काठमाडौंबाट पोखरा अन्तर्राष्ट्रिय विमानस्थलमा उडेको जहाज पोखराको नयाँ र पुरानो विमानस्थलको बीचमा पर्ने सेती नदीको खोंचमा दुर्घटनाग्रस्त भएको हो । विमान अवतरण हुनै लाग्दा दुर्घटनामा परेको हो । एएनसी एटीआर ७२ जहाजमा क्याप्टेन कमल केसीले उडाएका थिए।

दुर्घटनापछि जहाजमा आगलागी भएको छ । अहिले घटनास्थलमा उद्धारकर्मीहरुले उद्धार कार्य जारी राखेका छन् । भर्खरै सञ्चालनमा आएको क्षेत्रीय अन्तर्राष्ट्रिय विमानस्थलमा अवतरणको बेला हुनै लाग्दा विमान दुर्घटनामा पर्नुलाई हवाई क्षेत्रका व्यक्तिहरुले नै आश्चर्यका रुपमा हेरेका छन्

सुगम भौगोलिक क्षेत्र र विमानस्थल नजिकै विमान खस्नु निकै दुःखद घटना भएको यति एअरलाइन्सका प्रवक्ता सुदर्शन बर्तौलाले बताएका छन् । ‘अवतरणको बेला टर्निङ लिँदा समस्या छ भन्ने सुनेको हो, आज त्यहि समस्याका कारण दुःखद दुर्घटना भएको अनुमान गरेका छौँ’, प्रवक्ता बर्तौलाले भने ।

पोखरामा भएको जहाज दुर्घटनामा बागलुङकी लोक तथा दोहारी गायिका निरा छन्त्याल पनि परेकी छन्। गायिका छन्त्यालले हिजो नै पोखरा जान लागेको जानकारी फेसबुकमा शेयर गरेकी थिइन् । हिजो काठमाडौंमा छन्त्याल समाजले आयोजना गरेको कार्यक्रममा गीत गाएकी उनी आज पोखरा छन्त्याल समाजको कार्यक्रममा सहभागी हुन जाँदै थिइन् ।

पोखरा विमान दुर्घटनामा परेका यात्रुहरूको नामावलीः

नेपाली यात्रुः

किसान आचार्य, निशान्त आचार्य, शालिगराम आचार्य, सडकात अलिमिया, पूर्ण बहादुर गुरुङ, जितेन्द्र बहादुर कुँवर, एलिना बन्ड्रो, अनिशा बानियाँ, स्लक भट्ट, निरा छन्त्याल, आशिमा गुरुङ, अनुशा गुरुङ, बेलमान गुरुङ, विजयकुमार गुरुङ, जीवनकला गुरुङ, माया गुरुङ, लक्कि गुरुङशिवकुमार गुरुङ, सिता गुरुङ, यमुना गुरुङ, यास्मिन गुरुङ, रविन हमाल, सन्जय जैसवाल, सोनु जैसवाल, रचना काफ्ले, सीता कुमारी खड्का, अनिल कुमार राजभार, भगवती कुँवर, अविशेक कुश्वाह, ओम माया गुरुङ, सुस्मा पाण्डे, हरि परियार, लक्ष्मी परियार, रिता परियार, अरुण पौडेल, लक्ष्मी पौडेल, प्रसिद्धि पौडेल, त्रिभुवन पौडेल, पोजन राना, सविना रायमाझी, राजन सापकोटा, अनिल शाही, संगिता शाही, जमुना शर्मा, विशाल शर्मा, युवराज शर्मा, मोहन श्रेष्ठ, डा. शोना दिवाकर, बन्दना सुनार, राजुसिंह ठकुरी, चुर्ण थापा, गणेश थापा, लवराज तिमिल्सिना

 विदेशी यात्रु? 

मेरोल लभ, आयूरी ल्यागीन, भिक्टर ल्यागीन, जेनितसन्डरा पालाभेकिनो, भिक्टोरिया अतुनिना, इलिना बण्डुरो, रुअनकालुम क्रिघ्टोन, एलेक्जेण्डर आइरिडोरे

शिशुहरु:

कृष परियार, प्रसिद्धी पौडेल, आयुर्दि शर्मा, बेबी शर्मा, अन्य दुईजना शिशुहरुको नाम खुलेको छैन।