झापा / खोटाङमा ब्रेक फेल भएर बस दुर्घटना हुँदा चारजना घाइते भएका छन् ।
दिक्तेल जाँदै गरेको बा ३ ख १८९५ नम्बरको बस साकेला गाउँपालिका- ४ मात्तिम बिर्ताको कामिसरामा पल्टिँदा सहचालक सहित चारजना घाइते भएका हुन् ।
खोटाङ प्रहरीका अनुसार घाइते हुनेमा साकेला गाउँपालिका- ३ खिदिमाका दिपेन्द्र तामाङ, कल्पना राई, ऐसेलुखर्क गाउँपालिकाकी इन्दिरा पुरी र शारदा नगरपालिका सल्यानका सहचालक मिलन मगर रहेका छन् ।
घाइतेको अवस्था सामान्य रहेको प्रहरीको भनाइ छ ।
