बिर्तामोड / झापाको बुद्धशान्ति गाउँपालिका- ४ झोडाबाट जुवा (कौडा) खेलिरहेको अवस्थामा पाँच जना पक्राउ परेका छन् । स्थानीय तुलसा ओलीको घरमा जुवा (कौडा) खेलिरहेको अवस्थामा ओली समेत ५ जनालाई गएराति प्रहरीले पक्राउ गरेको हो ।
उनको घरमा जुवा खेलिरहेको भन्ने बिशेष सूचनाको आधारमा ईलाका प्रहरी कार्यालय धुलाबारीबाट खटिएको प्रहरीले उनीहरूलाई नगद ४७ हजार ५ सय रुपैयाँ र कौडा १६ थान सहित फेला पारी पक्राउ गरेको छ । यस सम्बन्धमा प्रहरीले थप अनुसन्धान गरिरहेको छ ।
