एजेस्सी / कतारमा जारी फिफा विश्वकप फुटबल २०२२ अन्तर्गत आज सोमबार चार खेलहरू हुँदैछन् । कतार विश्वकपमा सोमबार समूह चरण अन्तर्गत समूह जी र समूह एच का दुई दुई खेलहरू हुनेछन् । पहिलो खेलमा समूह जी मा रहेको क्यामरुन र सर्बिया बीच प्रतिस्पर्धा हुँदैछ । क्यामरुन र सर्बिया पहिलो जितको खोजीमा अल जानौबी स्टेडियममा उत्रँदै छन् ।
दोस्रो खेलमा समूह एच को दक्षिण कोरिया र घाना बीच प्रतिस्पर्धा हुँदैछ । घाना र दक्षिण कोरिया पहिलो जित निकाल्न एजुकेसन सिटी स्टेडियममा खेल्दै छन् । यसैगरी विश्वकप अन्तर्गत नै सोमबार हुने तेस्रो खेलमा ब्राजिल र स्विट्जरल्यान्ड बीच प्रतिस्पर्धा हुँदैछ । पहिलो खेलमा ब्राजिलले सर्बियालाई २९० गोलले पराजित गरेको थियो भने स्विट्जरल्यान्डले क्यामरुनलाई पराजित गरेको थियो ।
त्यस्तै चौथो खेलमा पोर्चुगलले उरुग्वेको सामना गर्नेछ । समूह जी मा रहेको पोर्चुगल र उरुग्वे बीचको खेल राति १२स्४५ बजे सुरु हुदैछ । पोर्चुगल लगातार दोस्रो जितको खोजीमा रहेको छ ।
