झापा / मोटरसाइकल दुर्घटनामा परि तेह्रथुममा एक जनाको मृत्यु भएको छ । मृत्यु हुनेमा फेदाप गाउँपालिका वडानम्बर- २ ओयाक्जुङ असुवा बस्ने ४२ वर्षीय चन्द्रबहादुर लिम्बू रहेका छन् ।
शनिबार साँझ २१ प ४२२८ नम्बरको मोटरसाइकलमा सवार उनी म्याङलुङबाट घर फर्कने क्रममा म्याङलुङ स्थित दशगते पार्कमा मोटरसाइकल अनियन्त्रित भई सडकको पिलरमा ठोकिदा उनको मृत्यु भएको तेह्रथुमका प्रहरी निरीक्षक छे फिङजो भोटेले जानकारी दिए ।
घाइते भएका उनलाई उपचारका लागि धरान लैजाने क्रममा उनको बाटोमै मृत्यु भएको हो । घटना सम्बन्धमा थप अनुसन्धान भइरहेको प्रहरीले जनाएको छ ।
