बिर्तामोड / सुनसरीको धरान उप- महानगरपालिका- १५ श्यामचोक स्थितबाट प्रतिबन्धित लागूऔषध सहित २ जनालाई प्रहरीले पक्राउ गरेको छ । पक्राउ पर्नेहरुमा धरान उप- महानगरपालिका- १५ का ३४ बर्षिय किशोर परियार र धरान ३ का २७ बर्षिय वीरबल प्रसाद साह रहेका छन् ।
बुधबार बिहान ७ बजे इलाका प्रहरी कार्यालय धरानबाट खटिएको प्रहरीको टोलीले चेकजाँचको क्रममा को २५ प ४६४० नम्बरको स्कुटरमा लुकाई छिपाई ल्याउँदै गरेको बिभिन्न प्रकारका प्रतिबन्धित लागूऔषध सहित दुबै जनालाई नियन्त्रणमा लिएको हो । पक्राउ परेका परियार र साहको इलाका प्रहरी कार्यालय धरानबाट थप अनुसन्धान भइरहेको छ ।
