बिर्तामोड / हिजो सम्पन्न आम निर्वाचनको आज मतगणना शुरु भइरहेको छ । झापा क्षेत्र नं १ को मतगणना आज दिउसो १ बजेपछिबाट शुरु गरिने निर्वाचन अधिकृत टंकबहादुर महतले बताए । उनका अनुसार ‘सबै मतदान केन्द्रबाट संकलन भएका मतपेटिका बुझ्ने काम नै राति २ बजेसम्म लाग्यो । सर्वदलीय बैठकको निर्णय पश्चात झापा १ को मतगणना १ बजे शुरु हुने भएको हो । त्यस क्षेत्रमा एमालेका अग्नि खरेल र गठबन्धनका विश्वप्रकाश शर्मा उम्मेद्वार छन् ।
