एजेन्सी / कहिले कँही प्राविधिक कुरामा भएको गल्तिले मानिसहरू धेरै समस्यामा पर्ने गरेको छन् । बुधबार भारतको एक कार्यक्रम स्थलमा एउटा यस्तै रोचक घटना भएको छ । भारतीय राष्ट्रिय कांग्रेसका नेता राहुल गान्धीको ‘भारत जोडो यात्रा’ कार्यक्रममा गान्धीले राष्ट्रिय गान बजाउन भनेपछि मञ्चमा नेपालको राष्ट्रिय गान ‘सयौँ थुँगा फूलको हामी’ बज्यो ।
गीत बज्दा सबै उभिएका थिए सुरुमा त गान्धीसहित सबैजना सहज पनि देखिएको भिडियोमा देख्न सकिन्छ । तर केही क्षणपछि असामान्य स्थिति देखियो । बजिरहेको नेपालको राष्ट्रिय गानलाई रोक्दै गान्धीले भारतको राष्ट्रिय गीत ‘जनगणमन’ बजाउन निर्देशन दिए । फेरि पनि गान्धीले राष्ट्रिय गीत बजाउन भने पछि दोस्रोपटक पनि नेपालको राष्ट्रिय गीत बज्यो । यो भिडियो यतिबेला सामाजिक सञ्जालमा भाइरल भइरहेको छ । यो किस्सालाई लिएर राहुल गान्धी ट्रोल बनिरहेका छन् ।
