बिर्तामोड / झापाको कचनकवल -१ घेराबारीमा आज एक हात्ती मृत फेला मृत परेको छ । दारा नभएको हात्ती जलथल जंगलदेखि दुई किलोमिटर दक्षिण गङ्गा दाहालको धानखेतमा मृत अवस्थामा फेला परेको हो । हेर्दा बयस्क जस्तो देखिने हात्ती के कारणले मरेको हो भन्ने पोस्टमार्टम रिर्पोट आएपछि मात्र थाहा हुने कचनकवलका वडाध्यक्ष महाबिर लिम्बुले बताए । हाल मृत हात्तीलाई स्थानीय, जिल्ला वनका कर्मचारी , प्रहरी र जनप्रतिनिधिको सहयोगमा माटोमा गाडिएको वडाध्यक्ष लिम्बुले जानकारी दिए ।
