काठमाडौँ / आगलागी परि भक्तपुरमा एक युवतीको मृत्यु भएको छ । आज बिहान पौने ८ बजे मध्यपुरठिमी नगरपालिका -६ राईटोल माथिल्लो कुण्डोलमा ४९ वर्षीय आत्माराम केसी र ४१ वर्षीय हरिशरण केसीको घरमा आगलागी भएको थियो ।
आगलागीमा परी आत्मारामकी २५ वर्षीया छोरी अस्मिताको मृत्यु भएको जिल्ला प्रहरी परिसर भक्तपुरका डीएसपी राजु पाण्डेले जानकारी दिए । सुस्त मनस्थिति र प्यारालाइसिस रोगकी बिरामी अस्मिता पौने ९ बजे मृत भेटिएको डीएसपी पाण्डेले बताए ।
नेपाल प्रहरी, नेपाली सेना, सशस्त्र प्रहरी बल, भक्तपुरबाट दुई वटा दमकल, जनप्रतिनिधि र स्थानीयको सहयोगमा पौने ९ बजे आगो नियन्त्रणमा आएको हो । घटनाको अनुसन्धान भइरहेको प्रहरीले जनाएको छ ।
