ललितपुर / ललितपुरको जावलाखेलबाट सञ्चालन भइरहेको गोर्खा र कृषि टेलिभिजनले कर्मचारीको बिचल्ली बनाएको छ ।
साझा सञ्चार मिडिया प्रा.लि.को नामले सञ्चालित आएको ती दुई टेलिभिजनले करिब ९ महिनादेखि कर्मचारीको तलबभत्ता नदिँदा कर्मचारीहरूको बिचल्ली भएको हो ।
व्यवस्थापक तेजविक्रम थापाले महिनौँसम्म झुल्याएको र श्रमजीवीको श्रम शोषण गरेपछि अब निवास नै घेराउ गर्नुपर्ने स्थिति आएको श्रमजीवी पत्रकार संघ, नेपालका अध्यक्ष जन्मदेव जैसीले बताए ।
९ महिनादेखि पत्रकार र कर्मचारीलाई बिभिन्न आश्वासन दिएर काम गर्न लगाई दशैँ तिहार जस्तो चाड पर्वमा समेत तलब नदिएको कर्मचारीहरूको गुनासो रहेको छ । उक्त टेलिभिजनमा १५ जना भन्दा बढि कर्मचारीले काम गरिरहेका छन् ।
व्यवस्थापन पक्ष हेरिरहेकी टेलिभिजनको सीईओ लक्ष्मी चौधरीले राजिनामा दिदै कर्मचारीको बिचल्ली पारेर चुनावी मैदानमा राप्रपाको उम्मेदवार भएसँगै उनको राजिनामासँगै टेलिभिजन सञ्चालक तथा सिइओ तेजविक्रम थापा रहेका छन् ।
चौधरी कार्यालयमा रहेको अवधि सम्म केही कर्मचारीलाई व्यक्तिगत रुपमा पैसा दिएर केही कर्मचारीलाई आफ्नो कब्जामा राखी काम लगाएको भए पनि अन्य कर्मचारीहरूले विगत ९ महिना देखी तलब नपाएको गुनासो गरिरहेका छन् ।
चौधरीको राजिनामासँगै कम्पनीका अध्यक्ष थापाले टेलिभिजन सञ्चालनको जिम्मेवारी लिएका थिए । जिम्मेवारी लिएका थापालाई कर्मचारीले पटक पटक ताकेता गरेपनि माग सुनुवाई नभएको गुनासो कर्मचारीको छ ।
टाढाका जिल्लाबाट काठमाडौंमा डेरा गरी बस्ने पत्रकारलाई तलब भत्ता न दिँदा उनीहरूको बास उठ्ने अवस्था रहेको छ । भक्तपुरमा समिट अस्पताल र जावलाखेलमा कृषि सहकारी र जावलाखेलबाटै कृषि टेलिभिजन सञ्चालन गर्दै आएका तेजविक्रम थापालाई यस विषयमा कुरा गर्दा भने कुरा नै गर्न चाहँदैनन् ।
पहिलो उनी सम्पर्कमा नै आउन चाहदैनन् सम्पर्कमा आएपनि यो विषयमा कुरा गर्न नचाहने र कुरा गरिहाले आफूसँग पैसा नभएको र जे सक्छौ गर भन्ने जस्ता धम्की दिने गरेका छन् ।
विडम्बना त के छ भने उनले सञ्चालन गरेको कृषि टेलिभिजनका कर्मचारीको हालत पनि एउटै रहेको छ । तलब भत्ता सहित बोनस दिने भनेर कर्मचारीलाई काम लगाएको र तलब होल्ड गर्ने संस्थाको नियम रहेको, २ महिनाको तलब बाेनस सँगै दिने जस्ता अनेकन बाहना बनाएर कर्मचारीको श्रम सोषण गर्दै आएका छन् ।
आवासमा रहेका कर्मचारी निकाला
यति मात्रै होईन थापा र पुर्व सिईयो मिलेर आवासमा रहेका एक कर्मचारीलाई चाडपर्वको समयमा आवासबाट निकालेका छन् । झापाबाट पत्रकारिता गर्दै आएका एक पत्रकारलाई अनेक आश्वासन दिएर काममा बोलाएको र तलब माग्दा पुर्व सिईयो र थापा मिलेर आवासबाट निकालेको उनि बताउँछन् ।
तिहारको समयमा पैसा दिनुहोस् भन्दा बस्न खान दिएको तँ हाम्रै बिरुद्धमा लाग्ने भनेर टेलिभिजनको आवासबाट आफुलाई निकाले र बिचल्निली बनाएको उनको भनाइ छ । खान बस्न दिने भनेर बोलाए पनि चिसो भुईमा सुत्नु पर्ने र खानाको व्यवस्थापन पनि आफै गर्नुपरेको अवस्थामा चाडबाडको समयमा बिचल्ली बनाएको उनको गुनासो छ। टेलीभिजनको आवासबाट निस्कने बेला एक रुपैयाँ पैसा नभएको र आफु हिँडेर भक्तपुर पुगेर आफन्तको सरणमा बसेको उनले बताए ।
कर्मचारीको फोन न उठाउने र अनेकन बाहना निकालेर भाका बढाउने थापाको बिरुद्धमा कर्मचारीले श्रमजीवी पत्रकार संघ, नेपालमा उजुरी दिए तर उनी उजुरी दिएको लामो समय पनि सम्पर्कमा आउन चाहेनन । अन्तिममा कर्मचारीले उनको कृषि सहकारीमा पुगेर संघका अध्यक्ष जन्मदेव जैसीको नेतृत्वमा गेटमा धर्ना बसेपछि उनी भेट्न सहमत भएका थिए ।
भेटमा पुर्व कर्मचारी र हालका कर्मचारीको बैठकले आगामी चुनाव पछिको एक हप्ता पछि तलब भुक्तानी गर्ने आश्वासन दिएर कागज गर्न सहमत भए । सहमति भएको कागजमा हस्ताक्षर गर्ने सहमति जनाएका थापा अहिले बेपत्ता बनेका छन्। कर्मचारीले पटक पटक फोन गर्दा न उठाउने र पुर्व कर्मचारी कोही टेलिभिजनको कार्यालय आएभने भित्र छिर्न नदिनु भनेर सुरक्षा गार्डलाई आदेश दिएका छन् ।
