बिर्तामोड / झापाको बिर्तामोडस्थित प्रसाईँ मार्केटमा आज बिहान आगलागी भएको छ ।
मुक्ति चोकको पुर्वपट्टी रहेको दुर्गा मन्दिर छेउको धरान टेलर्सकाे माथिल्लो तलामा रहेको वंशल रेडिमेट सेन्टरमा आगलागी भएको हो ।
राजु अग्रवालले सञ्चालनमा ल्याएको सो कपडा पसलमा आगलागी हुँदा पाँच करोड भन्दा बढीको क्षति भएको इलाका प्रहरी कार्यालय अनारमनीका प्रहरी नायब उपरीक्षक (डीएसपी) रुगम बहादुर कुँवरले जानकारी दिए ।
बिहान ८ बजे देखि सुरु भएको आगो नेपाल प्रहरी, सशस्त्र प्रहरी, नेपाली सेना र स्थानीयहरुको संयुक्त प्रयासमा ९ः३० बजे मात्र पूर्ण रुपमा नियन्त्रणमा आएको छ ।
डीएसपी कुँवरका अनुसार आगो नियन्त्रणका लागि मेचीनगर ,बिर्तामोड , भद्रपुर नगरपालिका र कमल गाउँपालिकाको दमकल, साथै स्थानीयवासी, प्रहरी परिचालन गरिएको थियो ।
विद्युत् सर्ट भएर आगलागी भएको हुनसक्ने आशंका गरिएको छ । घटनाको बारेमा थप अनुसन्धान भइरहेको प्रहरीले जनाएको छ ।
