बिर्तामोड / झापाको मेचीनगर -३ र ५ को सिमाना घैलाडुब्बा पुल मुनि एक युवक मृत फेला परेका छन् । झापा बुद्धशान्ति गाउपालिका -५ का ४५ वर्षीय होम बा. पोख्रेल आज बिहान मृत फेला परेका हुन । स्थानीयबासीले शव देखेपछि प्रहरीलाई खबर गरेका थिए । साइकल सहित रहेका पोख्रेलको पुलबाट झरेर मृत्यु भएको हुन सक्ने अनुमान गरिएको छ ।
अहिले घटनास्थलमा इलाका प्रहरी कार्यालय काँकडभिट्टा र इलाका प्रहरी कार्यालय नकलबन्दाबाट खटिएको प्रहरी टोलीले घटनाबारे थप अनुसन्धान गरिरहेको जिल्ला प्रहरी कार्यालय झापाका (प्रवक्ता) डीएसपी बसन्त पाठकले जानकारी दिए । घटनाबारे थप विवरण आउन बाँकी ।
