काठमाडौं / नेपाली क्रिकेट टोलीका नवनियुक्त कप्तान रोहित पौडेललाई प्रधानमन्त्री शेरबहादुर देउवाले बधाई दिएका छन् । प्रधानमन्त्री देउवाले शनिबार बिहान सामाजिक सञ्जाल फेसबुकमार्फत कप्तान पौडेललाई बधाइ दिएका हुन् ।
उनले बधाई दिँदै पौडेलको नेतृत्वमा नेपाली क्रिकेटले अझै सफलता प्राप्त गर्ने विश्वास व्यक्त गरेका छन् । बलात्कार अभियोगपछि सन्दीप लामिछाने निलम्बनमा परेपछि नेपाल क्रिकेट संघ (क्यान) ले शुक्रबार रोहितकुमार पौडेललाई कप्तान नियुक्त गरेको हो ।
