एजेन्सी / पाकिस्तानको उत्तरपश्चिमी प्रान्त खैबर पख्तुनख्वाको दक्षिण भागमा पर्ने वजिरिस्तान जिल्लामा मंगलबार राति भएको आतङ्कवादी हमलामा परी कम्तीमा २ प्रहरीको मृत्यु हुनुको साथै अन्य ३ जना घाइते भएका प्रहरीले जनाएको छ ।
अज्ञात आतङ्ककारीहरूले मध्यरातमा जिल्लाको रघजाई क्षेत्रको १ प्रहरी चौकीमा आक्रमण गरेका र परिणामस्वरूप प्रहरीहरू हताहत भएका सञ्चारमाध्यमले जानकारी दिएका छन् । आतङ्ककारीहरूले एम्बुलेन्स र प्रहरी चौकीमा आगजनी गरेका र चौकीबाट २ दर्जनभन्दा बढी मशिनगन, १ थान हलुका मेसिन गन र फिल्डर कार समेत चोरी गरेको प्रहरीले जनाएको छ ।
