बिर्तामोड / झापाको बुद्धशान्ति -३ स्थित बुधबारेमा करुवाले हानेर श्रीमतीको हत्या गर्ने एकजनालाई प्रहरीले पक्राउ गरेको छ । पक्राउ पर्नेमा भारतीय नागरिक वर्ष ३२ का रघुनाथ गोठ्ठा रहेका छन् । घरायसी कुरामा सामान्य विवाद चल्दा उनले करुवाले लोटाले प्रहार गर्दा २६ वर्षीया श्रीमती सपनाको टाउकोमा चोट लागी घटनास्थलमै मृत्यु भएको प्रहरीले जनाएको छ ।
उनीहरु १ छोरा १ छोरी सहित विगत ८ वर्ष अघि देखि बुधबारेमा डेरामा बस्दै आएका थिए । घटनास्थलमा अहिले इलाका प्रहरी कार्यालयको प्रहरी टोली खटिएर कानुनी प्रक्रिया पुरा गर्ने तथा घटनाबारे थप अनुसन्धान भइरहेको जिल्ला प्रहरी कार्यालय झापाका प्रवक्ता बसन्त पाठकले जानकारी दिए ।
