बिर्तामोड / झापाको बिर्तामोड नगरपालिका -३ स्थित पूर्व पश्चिम राजमार्गमा पिकअप गाडीको ठक्करबाट साइकल यात्रीको मृत्यु भएको छ । मृत्यु हुनेमा स्थानीय ६० वर्षीय उदय बहादुर गहतराज रहेका छन् । आज बिहान ५ बजे साइकल यात्री .गहतराजलाई प्रदेश १-०१-००१ च ८३१९ नम्बरको पिकअप गाडीले ठक्कर दिएको थियो ।
पिकअपको ठक्कर घाईते भएका गहतराजको बिर्तासिटी अस्पताल बिर्तामोडमा उपचारको क्रममा मृत्यु भएको हो । ठक्कर दिने सवारी साधन र चालक पथरी शनिश्चरे मोरङका कमल बहादुर मगरलाई इलाका प्रहरी कार्यालय अनारमनीले नियन्त्रणमा लिई थप अनुसन्धान गरिरहेको छ ।
