काठमाडौँ / तम्घास काली गण्डकी नदीमा हाम फाली बेपत्ता भएका युवाको खोजी कार्य जारी जिल्ला प्रहरी कार्यालय गुल्मीले जनाएको छ ।
शुक्रवार दिउँसो जिल्लाको काली गण्डकी गाउँपालिका १ हर्मिचौरका ३५ वर्षीय टेकराज पाण्डेले गुल्मी र स्याङजाको सङ्गमस्थल रेप्कामा रहेको मोटरे बल पुलबाट काली गण्डकी नदीमा हाम फाली बेपत्ता भएका हुन् ।
नदीमा हाम फाली बेपत्ता भएका पाण्डेको खोजी कार्यका लागि स्थानीय र प्रहरी परिचालन भए पनि फेला नपरेको जिल्ला प्रहरी कार्यालय गुल्मीका प्रहरी नायब उपरीक्षक माधवराज खरेलले जानकारी दिए ।
नदीमा हाम फाल्नुको कारण नखुलेको र खोजी कार्य जारी रहेको खरेलले बताए ।
