झापा / ओखलढुङ्गाको चिशंखुगढी गाउँपालिका -२ स्थितमा रहेको स्काईभेटरमा आगजनि गर्ने १ जनालाई प्रहरीले पक्राउ गरेको छ । पक्राउ पर्नेमा चिशंखुगढी -१ का २९ वर्षीय तुलसी राज अधिकारी रहेका छन । सृजनशील कन्स्ट्कसन प्रा.लि.को बा ३ ख ४३०६ नम्बरको स्काईभेटर चिशंखुगढी -२ स्थित बाङ्गे खोला नजिक सडक छेउमा रोकेर राखेको अवस्थामा कार्तिक १४ गते राती आगजनिबाट पूर्णरुपमा जली क्षति भएको थियो ।
तत्काल घटना स्थलमा खटिएको प्रहरी चौकी खानीभञ्ज्याङ र जिल्ला प्रहरी कार्यालय ओखलढुङ्गाको प्रहरी टोलीले खोज तलासको क्रममा स्काईभेटरमा आगजनी गर्ने अधिकारीलाई भाग्दै गरेको अवस्थामा चिशंखुगढी -१ सुर्केटार स्थितबाट आज बिहान पक्राउ गरेको हो । पक्राउ परेका अधिकारीको जिल्ला प्रहरी कार्यालय ओखलढुङ्गाबाट थप अनुसन्धान भइरहेको छ । उक्त स्काईभेटरले माझिटार हिलेछाप कच्ची भित्री सडक खण्डमा मर्मत कार्य गर्दै आइरहेको थियो ।
