बिर्तामोड / सुनसरीको धरान उप-महानगरपालिका -११ स्थितबाट प्रहरीले लागूऔषध सहित १ जना पक्राउ गरेको छ । पक्राउ पर्नेमा धरान -११ का ४६ वर्षीय बिरु भुजेल रहेका छन् ।
सोमबार राती साढे ७ बजे विशेष सूचनाको आधारमा १ नम्बर प्रदेश प्रहरी कार्यालय विराटनगर आर आइ टि र इलाका प्रहरी कार्यालय धरानबाट खटिएको प्रहरी टोलीले भुजेललाई स्पासपेन १७१६ ट्याबलेट, ट्रामोल २७७५ क्याप्सुल, स्पास्मो प्रोक्सिभन प्लस ६७५ क्याप्सुल, नाईट्रोसन २७ ट्याबलेट, एक्सकाफ डिएक्स १९ बोतल लागूऔषध तथा नियन्त्रित औषधी र नगद १ लाख ६ हजार रुपैयाँ सहित उनकै घरबाट पक्राउ गरेको हो । पक्राउ परेका भुजेलको इलाका प्रहरी कार्यालय धरानबाट थप अनुसन्धान भइरहेको छ ।
