विराटनगर / १ नम्बर प्रदेश प्रहरी श्रीमती संघ कि अध्यक्ष श्रीमती कल्पना गिरी तथा संघका पदाधिकारीहरूले विराटनगर स्थित मानव सेवा आश्रममा आस्रित आमाहरूलाई भोजन गराएका छन् ।
‘सेवा नै धर्म हो’ भन्ने भावनाले अभिप्रेरित कार्यक्रम अनुसार आज बिहान प्रदेश प्रहरी श्रीमती संघ कि अध्यक्ष गिरीले आश्रममा रहेका वृद्धा असाह्य आमाहरूलाई बिहानको भोजन गराएका हुन् ।
प्रदेश प्रहरी श्रीमती संघ कि अध्यक्ष गिरीले मानव सेवा आश्रमले बेसहारा, असाह्य, अनाथ, अभिभावक विहीन तथा सडक आश्रित मानवको उद्धार गरी सेवा प्रदान गरिरहेकोमा मानव सेवा आश्रमलाई हृदय देखि धन्यवाद दिँदै १ नं. प्रदेश प्रहरी श्रीमती संघ पनि यस्ता विविध सामाजिक कार्यहरूमा निरन्तररूपमा हातेमालो गर्दै मानव सेवाको लागि कल्याणकारी कार्यहरू गर्दै रहने कुरा बताइन् ।
