बिर्तामोड / झापाको हल्दीबारीमा मोटरसाइकल दुर्घटनामा परी एक जनाको मृत्यु भएको छ । मृत्यु हुनेमा हल्दीबारी गाउँपालिका -२ निवासी २१ वर्षीय सुकलाल राजवंशी रहेका छन् । प्रहरीका अनुसार हल्दीबारी पाराखोपी सडक खण्ड अन्तरगत हल्दीबारी -२ स्थित रामलाल चोक नजिकै आइतबार साँझ ६: १५ मिनेटमा मे ५ प २१६१ नम्बरको मोटरसाइकलले मे ६ प ४१०३ नम्बरको मोटरसाइकललाई पछाडिमा ठक्कर दिएको थियो ।
दुवै मोटरसाइकल पाराखोपीदेखि हल्दीबारी बजारतर्फ गइरहेका थिए । तीव्र गतिमा रहेको मे ५ प २१६१ नम्बरको मोटरसाइकलको पछाडि सवार राजवंशीको घटनास्थलमै मृत्यु भएको प्रहरीले जनाएको छ । घटन सम्बन्धमा हल्दीबारी प्रहरी चौकीले दुवै मोटरसाइकलसहित अन्य चार जनालाई नियन्त्रणमा लिएर अनुसन्धान गरिरहेको जिल्ला प्रहरी कार्यालय झापाले जनाएको छ ।
