झापा / धनुषाको सबैला नगरपालिका -१२ रघुनाथपुर नहरस्थित चोकबाट स्रोत नखुलेको २० लाख रुपैयाँ सहित प्रहरीले २ जनालाई पक्राउ गरेको छ । पक्राउ पर्नेमा सुनसरी जिल्ला इनरुवा नगरपालिका -२ बस्ने २७ वर्षीय बजरंग प्रसाद गुप्ता सहित २ जना रहेका छन् ।
प्रहरी चौकी बरमझियाबाट खटिएको प्रहरीले प्र १-०२- ०४६ प ५६३१ नम्बरको मोटरसाइकलमा सवार उनीहरूलाई जाँच गर्ने क्रममा उक्त नगद सहित फेला पारी पक्राउ गरेको हो । मंगलबार बेलुकी पक्राउ परेका उनीहरूको सम्बन्धमा प्रहरीले आवश्यक अनुसन्धान गरिरहेको छ ।
