काठमाडौँ / नेपाली सेनाका एक जना हुद्दा मृत अवस्थामा फेला परेका छन् ।
गल्फ खेलाडीसमेत रहेका हुद्दा भुवन पुडासैनी आज बिहान काठमाडौँको गुह्येश्वरीमा झुण्डिएको अवस्थामा मृत फेला परेका हुन् ।
उनी गुहेश्वरी फाँटस्थित आर्मी अफिसर्स गल्फ क्लब भवन नजिक झुण्डिएको अवस्थामा फेला परेको नेपाली सेनाका प्रवक्ता नारायण सिलवालले जानकारी दिए ।
नुवाकोटका पुडासैनी हाल काठमाडौँको तिलगंगा बस्दै आएका थिए । घटनाबारे अनुसन्धान भइरहेको प्रवक्ता सिलवालले बताए ।
