झापा / धनकुटा नगरपालिका -९ चिम्सुवाबाट नियन्त्रित लागूऔषध गाँजा सहित २ जनालाई प्रहरीले पक्राउ गरेको छ । विशेष सूचनाको आधारमा प्रहरी चौकी मुलघाटबाट खटिएको प्रहरी टोलीले बुधवार बिहान साँढे १० बजे शहिदभुमी गाउँपालिका-३ की ४९ वर्षीया विष्णु कुमारी राई र ४३ वर्षीय उद्धिम भनिने उमेश राईलाई ५/५ केजी लागूऔषध गाँजा सहित पक्राउ गरेको हो । लागूऔषध सहित पक्राउ परेका उनीहरूको सम्बन्धमा थप अनुसन्धान भइरहेको जिल्ला प्रहरी कार्यालय धनकुटाले जनाएको छ ।