बिर्तामोड / झापाको कन्काई नगरपालिका -३ मा मोटरसाइकल दुर्घटना हुँदा एकजनाको मृत्यु भएको छ । मृत्यु हुनेमा मोटरसाइकल चालक मोरङ उर्लाबारी -४ का ५३ वर्षीय नागेन्द्र प्रसाद कोइराला रहेको छन् ।
आज बिहान साँढे ११ बजेको समयमा पश्चिमबाट पूर्वतर्फ आउँदै गरेको को २५ प ४६५१ नम्बरको मोटरसाइकल आफै अनियन्त्रित भई दुर्घटना हुँदा घाईते भएका कोइरालाको उपचारको क्रममा बिर्तासिटी अस्पताल बिर्तामोडमा मृत्यु भएको इलाका प्रहरी कार्यालय अनारमनीले जनाएको छ । घटना सम्बन्धमा प्रहरीले थप अनुसन्धान गरिरहेको छ ।
