बिर्तामोड / प्रहरीले आज बिहान शिवसतासी नगरपालिका -१ धरमपुर चौकबाट अवैध रुपमा लुकाई छिपाई राखेको सखुवा जातको चिरान काठ बरामद गरेको छ ।
इलाका प्रहरी कार्यालय झिलझिलेबाट खटिएको प्रहरी टोलीले शिवसतासी -१ धरमपुर चौक बस्ने खगेन्द्र प्रसाद दाहालको घरबाट सखुवा जातको ७२.६३ क्यु . वि चिरान काठ फेला पारी बरामद गरेको हो ।
काठ सहित पक्राउ परेका दाहाललाई भने आवश्यक कारवाहीको लागी डिभिजन बन कार्यालय चन्द्रगढी झापा पठाइएको जिल्ला प्रहरी कार्यालय झापाका (प्रवक्ता) प्र .ना . उ बसन्त पाठकले जानकारी दिएका छन् ।
