झापा / पाँचथरको फिदिम नगरपालिका -४ मा मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा कुम्मायक गाउँपालिका -३ का २४ वर्षीय भीमबहादुर माझी रहेका छन् । दुर्घटनामा परि मोटरसाइकलको पछाडि सवार भीमबहादुरकी १९ वर्षीया श्रीमती सुस्मिता माझी पनि घाइते भएको प्रहरी नायब उपरीक्षक हरि खतिवडाले जानकारी दिए ।
दुर्घटनामा गम्भीर घाइते भएका भीमबहादुरलाई उपचारका लागि जिल्ला अस्पताल लगिएपछि चिकित्सकले मृत घोषणा गरेका थिए । माझीको शव पोस्टमार्टमका लागि जिल्ला अस्पतालमा राखिएको छ भने सुस्मिताको सोही अस्पतालमा उपचार भइरहेको छ । सुस्मिताको शरीरमा धेरै चोटपटक लागेको र अवस्था जटिल रहेको प्रहरीले जनाएको छ ।
