हेटौंडा / मकवानपुरको भीमफेदी गाउँपालिका स्थित जुरिखेतमा मिनी बस दुर्घटना हुँदा ६ जनाको मृत्यु भएको छ ।
मकवानपुरका प्रहरी उपरीक्षक वामदेव गौतमका अनुसार काठमाडौंबाट वीरगञ्ज आउँदै गरेको बा ३ ख ७८५८ नम्बरको बस भीमफेदीको ओरालोमा सडकबाट खसेर दुर्घटना हुँदा ६ जनाको घटनास्थलमै मृत्यु भएको हो ।
च्यापिएको अवस्थामा ६ जनाको शव निकालेको एसपी गौतमले बताए । केही बसभित्र थिचिएको आशंका छ ।
जुरिखेतको माथिल्लो घुम्तीबाट खसेको बस तल्लो घुम्तीमा पुगेर अडि्डएको गौतमको भनाई छ । दुर्घटनास्थलमा अहिले पनि उद्धार कार्य चलिरहेको छ भने घाइतेहरूलाई उपचारका लागि हेटौंडा लगिएको छ ।
