विराटनगर / मोरङको रंगेली नगरपालिका –७ स्थितबाट प्रहरीले प्रतिबन्धित लागूऔषध सहित दुई जनालाई पक्राउ गरेको छ । पक्राउ पर्नेमा सुनबर्षी नगरपालिका –४ का २५ वर्षीय अमित कुमार दाश र ३५ वर्षीय निलेश दाश रहेका छन् ।
बुधबार बेलुका ६ बजे इलाका प्रहरी कार्यालय रंगेलीबाट खटिएको चेकिङ टोलीले को.३१ प ४४१४ नम्वरको मोटरसाईकल शंका लागि चेकजाँच गर्ने क्रममा पछाडि सवार रहेका अमित कुमार दासको साथबाट ३६ ग्राम ७.५० मिलिग्राम ब्राउनसुगर बरामद भएको हो ।
प्रतिबन्धित लागूऔषध बरामद भएसंगै दुबै जनालाई पक्राउ गरी इलाका प्रहरी कार्यालय रङ्गेलीबाट थप अनुसन्धान भइरहेको प्रहरीले जनाएको छ ।
