काठमाडौं / बुधबार बेलुका कपनको एक घरमा भएको आगलागीमा परि तीनजनाको मृत्यु भएको छ । मृत्यु हुनेमा सङ्खुवासभा घर भई सुकेधारा बस्ने अशोक राई, ताप्लेजुङ घर भएका कर्साङ तेन्जी शेर्पा र काठमाडौं–२५ बस्दै आएका छेवाङ शेर्पा रहेका छन् ।
राममन्दिर नजिकै रहेको एक ट्रेकिङ कार्यालयमा अक्सिजन सिलिन्डरहरू पड्किएर ठूलो क्षति भएको प्रहरीले जनाएको छ । घरको माथिल्लो तलामा रहेकाहरूको भने उद्धार गरिएको छ ।
