बिर्तामोड / झापाको मेचीनगरबाट ब्राउन सूगरसहित प्रहरीले एक जनालाई पक्राउ गरेको छ । पक्राउ पर्नेमा दमक नगरपालिका –१ का २१ वर्षीय मनोज कुमाल रहेका छन् ।
उनलाई सोमबार दिउसो भारतबाट मेचीनगर नगरपालिका –६ मेची पुल छेउमा भारतबाट नेपाल तर्फ पैदल आउँदै गर्दा इलाका प्रहरी कार्यालय र लागूऔषध नियन्त्रण ब्युरो काँकरभिट्टाबाट खटिएको संयुक्त प्रहरी टोलीले पक्राउ गरेको हो ।
पक्राउ परेका कुमालको साथबाट ३० ग्राम ब्राउन सुगर बरामद भएको जिल्ला प्रहरी कार्यालय झापाले जनाएको छ । लागूऔषधसहित पक्राउ परेका उनलाई इलाका प्रहरी कार्यालय काँकरभिट्टाबाट थप अनुसन्धान भइरहेको छ ।
