बिर्तामोड / दुई बालिकाहरूलाई बलात्कार गरेको आरोपमा प्रहरीले एकजनालाई पक्राउ गरेको छ । पक्राउ पर्नेमा मेचीनगर नगरपालिका -१२ माथिल्लो धाइजनका ७३ वर्षीय कपिल मनी पौडेल रहेका छन् ।
पौडेलले ति १७ वर्षीया र ११ वर्षीया दुई बालिकालाई बिभिन्न मितिमा पटक - पटक बलात्कार गरेको र १७ वर्षीया बालिका गर्भवती समेत भएको भन्ने खबर प्राप्त हुनासाथ इलाका प्रहरी कार्यालय अनारमनीबाट खटिएको प्रहरीले उनलाई पक्राउ गरेको हो । पक्राउ परेका पौडेलको सम्बन्धमा प्रहरीले थप अनुसन्धान गरिरहेको छ ।
